Agjentë imobiliarë të licensuar në Shqipëri

Pse duhet të punoni vetëm me agjentë të licensuar?

Puna me një agjent të licensuar imobiliar ju mbron ligjërisht dhe financiarisht. Agjentët e certifikuar nga Ministria e Drejtësisë kanë plotësuar kriteret profesionale dhe janë përgjegjës për shërbimin që ofrojnë.

• Siguri ligjore: transaksionet trajtohen sipas legjislacionit në fuqi.
• Profesionistë të verifikuar: identiteti dhe kualifikimi janë konfirmuar zyrtarisht.
• Përgjegjshmëri: agjenti mban përgjegjësi për informacionin dhe këshillat që jep.
• Mbrojtje nga mashtrimet: shmangni ndërmjetësit informalë dhe rreziqet financiare.

Si të bëheni agjent i licensuar?

Profesioni i ndërmjetësit të pasurive të paluajtshme rregullohet me Ligjin nr. 9/2022. Certifikimi jepet nga Ministria e Drejtësisë dhe kalon në këto hapa kryesorë:

1. 1 Plotësoni kriteret ligjore (moshë madhore, zotësi për të vepruar dhe pa precedentë penalë sipas legjislacionit).
2. 2 Ndiqni programin e detyrueshëm të trajnimit profesional, në jo më pak se 60 orë, pranë një institucioni të akredituar (e drejtë civile, tregtare e penale, vlerësim pasurie, kontrata, etikë profesionale, marketing etj.).
3. 3 Kaloni provimin me shkrim të certifikimit (me kohëzgjatje 2 orë).
4. 4 Dorëzoni aplikimin me dokumentacionin përkatës pranë Ministrisë së Drejtësisë.
5. 5 Pas miratimit pajiseni me certifikatën dhe emri juaj shtohet në regjistrin zyrtar publik.

Tarifa e programit të detyrueshëm të trajnimit është rreth 30.000 lekë. Afati i shqyrtimit dhe kriteret e sakta përcaktohen nga Ministria e Drejtësisë sipas Ligjit nr. 9/2022.