Super apartament 3+1+2+Depo+Verandë, në zonën e 5 Majit!

Shitet apartament modern me sipërfaqe 152 m² neto + 60 m² verandë, i investuar totalisht nga e para në vitin 2024, nga mobiljet deri te pajisjet elektroshtëpiake – gjithçka është pothuajse e re. Janë përdorur materiale të cilësisë së lartë dhe çdo detaj është realizuar me kujdes maksimal. Apartamenti është i pajisur me sistem qendror kondicionimi, termoizolim dhe izolim akustik cilësor, dritare dopio xham, panele diellore si edhe elementë të tjerë bashkëkohorë që garantojnë komfort dhe efiçiencë energjetike.
Ka një planimetri të rregullt dhe funksionale, që siguron ndarje të qartë e harmonike të çdo ambienti.
Nga hyrja kryesore futesh në korridorin shpërndarës, në krahun e djathtë të të cilit ndodhet dhoma e fëmijëve, ndërsa përballë saj një dhomë e bollshme me dalje në verandë, e cila lidhet natyrshëm me sallonin e gjerë dhe të mobiluar me shije moderne. Korridori vazhdon drejt kuzhinës së veçuar, plot dritë natyrale, që komunikon direkt me verandën e dytë të banesës, ku ndodhet edhe depoja. Në pjesën më të qetë të apartamentit ndodhet dhoma matrimoniale me sipërfaqe të konsiderueshme, garderobë, tualet privat dhe ballkon.
Bashkë me apartamentin ofrohet edhe një garazh i mbyllur me qepen, me çmim shtesë 25,000 €.

Për më shumë informacion ose një vizitë në pronë, na kontaktoni!