Ambient zyre + magazinë me qira - Rruga Naim Frashëri, pranë Rrugës së Kavajës

Jepet me qira ambient me sipërfaqe rreth 70 m², i pozicionuar në Rrugën Naim Frashëri, pranë Rrugës së Kavajës, në një pallat të ri, në katin 0.
Ambienti ka një lartësi prej rreth 5 metrash dhe është veçanërisht i përshtatshëm për biznese që kërkojnë të kombinojnë në të njëjtën hapësirë zyrën, ambientin e pritjes dhe magazinën.
Prona nuk ka vizibilitet të drejtpërdrejtë nga akset kryesore, ndaj nuk synon aktivitete që varen nga ekspozimi apo fluksi i kalimtarëve. Pika e saj e fortë është pozicioni logjistik, vetëm pranë Rrugës së Kavajës, me akses të shpejtë drejt akseve kryesore të qytetit. Kjo e bën një alternativë shumë të mirë për kompani që kanë nevojë për zyrë operative, pritje dhe magazinim në një ambient të vetëm.
Prona është e pajisur gjithashtu me sisteme moderne teknologjie dhe sigurie:
Sistem alarmi ndaj zjarrit dhe rrjedhjeve të ujit
Sistem alarmi sigurie
Drita emergjence
Ndriçim Smart
Sistem kontrolli dhe sigurie me teknologji Smart
Sistem UPS për pajisjet e internetit, me autonomi mbi 3 orë në rast ndërprerjeje të energjisë elektrike
Lartësia prej rreth 5 metrash krijon mundësi të mira për shfrytëzim vertikal dhe organizim efikas të pjesës së magazinimit.
Në çmimin e qirasë përfshihet edhe 1 post parkimi në pallat.
Çmimi: 1,000 €/muaj, përfshirë taksat.
Për më shumë informacion ose për të planifikuar një vizitë në pronë, na kontaktoni!