Investim Strategjik në Autostradë | Kompleks Biznesi Multifunksional Plotësisht Operacional

Iliria Business Park paraqet një mundësi të rrallë për të investuar në një kompleks biznesi të zhvilluar plotësisht, i vendosur në një nga pikat më strategjike të veriut të Shqipërisë, në dalje të Sanxhakut, përgjatë Autostradës Mamurras–Laç.
Falë aksesit direkt nga të dy drejtimet e autostradës, prona gëzon ekspozim maksimal dhe fluks të vazhdueshëm automjetesh, duke e bërë ideale për aktivitete në fushën e hotelerisë, tregtisë, shërbimeve automobilistike dhe çdo aktivitet tjetër komercial.
E konceptuar sipas modelit të një qendre moderne shërbimi përgjatë autostradës (Autogrill), kjo pronë bashkon disa aktivitete biznesi në një investim të vetëm, duke krijuar burime të ndryshme të ardhurash dhe duke ofruar potencial të konsiderueshëm për zgjerim në të ardhmen.
Kompleksi shtrihet në një truall me sipërfaqe 3,545 m², ndërsa sipërfaqja totale e ndërtimit është 780 m², duke ofruar hapësira të bollshme për zhvillimin e aktiviteteve tregtare, parkim dhe investime të mëtejshme.
Objekti kryesor është i organizuar në tre kate. Në katin përdhe ndodhet një sallë komerciale prej 180 m², e përshtatshme për restorant, supermarket, showroom apo çdo aktivitet tjetër biznesi. Kati i parë, me sipërfaqe 220 m², përfshin pesë dhoma dhe një lavanderi, duke qenë ideal për akomodim, hoteleri ose strehim stafi. Kati i dytë, gjithashtu me sipërfaqe 220 m², është i papërfunduar, duke i dhënë mundësinë pronarit të ri ta përshtatë sipas nevojave të biznesit.
Kompleksi përfshin gjithashtu një objekt të dytë prej 120 m², aktualisht në funksion si Bar-Kafe dhe Piceri, një objekt të tretë prej 48 m² të përdorur si showroom automjetesh, si dhe një lavazh automjetesh plotësisht funksional, duke krijuar disa burime të pavarura të ardhurash.
Qoftë për zhvillimin e një biznesi në fushën e hotelerisë, shërbimeve automobilistike, logjistikës apo si një investim afatgjatë me potencial të lartë, Iliria Business Park përfaqëson një mundësi unike në treg.